Дзень студэнта з цыганскім джазам і ска-панкам (фотарэпартаж)
Міжнародны дзень студэнта адзначаецца 17 лістапада. «Студэнцкая рада» зладзіла шэраг мерапрыемстваў пад агульнай назвай «Тыдзень студэнта». Фінальная падзея прайшла ў клубе «Пляцоўка хол» з удзелам гуртоў «Нагуаль» і «ZnaROCK».
Саліст "ZnaRock" Яўген Сокалаў быў апрануты ў цішотку са знакам салідарнасці з ахвярамі тэрактаў 13 ліспада ў Парыжы. Гурт выканаў песню пра талерантнасць
Фронтмэн "Нагуаля" Леанід Паўлёнак майстарскі можа граць, як і на бубнах, так і на бутэльках
Канцэрт наведала шмат студэнтаў. Для іх уваход быў вольным
Не абыйшлося без конкурсаў: за правільныя адказы па гісторыі студэнцкага руху можна было атрымаць падарунак ад спонсараў
Падчас перапынку паміж выступамі гуртоў пра Тыдзень студэнтаў распавялі арганізатары падзеі, адзін з іх Алесь Крот
Шмат гасцей былі апранутыя ў стылізовыя вышыванкі
Першыя на сцэну выйшлі хлопцы, якія спяваюць поп-рок і ска-панк на тэмы сучасных праблемаў моладзі: атрымліваць 500 долараў, набыць айфон і быць талерантным. Акрамя сваіх песень калектыў выконвае некалькі кавераў на песні вядомых айчынных гуртоў, перакладае «ляпісаўскія» хіты на беларускую.
Гурт «Нагуаль» прыняў эстафету ў панкаў са «ZnaROCK». Сёлета бэнд крыху змяніў свой склад і музычны фармат. Цяпер калектыў грае больш у накірунку цыганскага джазу.