Чарнышоў: Калі вы не выходзіце за іншых, то хто выйдзе за вас?
Вельмі вялікая памылка, так шырока распаўсюджаная сярод расіян — думаць, што беззаконне, якое чыніцца ўладай у дачыненні да іншых, іх не закране, піша блогер Дзмітрый Чарнышоў.
Які жах — пасадзіць чалавека за адзін антываенны пост на шмат гадоў. Але ж у мяне няма такіх пастоў, значыць, я ў бяспецы.
Які жах — у паліцыі збіваюць і катуюць затрыманых. Але ж я законапаслухмяны грамадзяні, і мяне няма за што цягнуць у пастарунак.
Жах, які робяць з адвакатамі, калі яны проста выконваюць сваю працу. Але ж я не адвакат, значыць, мяне не крануць.
Які жах — лавіць маладых людзей на вуліцы і адпраўляць іх на фронт. Але ж мяне туды не пашлюць — я ж узростам / полам не падыходжу. У мяне ж бронь.
Які жах — прэсаваць мігрантаў і гастарбайтэраў. Але ж у мяне, дзякуй Богу, славянская знешнасць, і мяне гэта не закране.
Спіс можна працягваць вельмі доўга. Не высоўвайся — і цябе не крануць.
Глядзіце таксама
А вось цяпер чэкісты зладзілі новую подласць — яны сталі браць закладнікаў. Як нацысты (ну скажыце мне што-небудзь пра закон Годвіна). Саджаюць людзей, у якіх ёсць падвойнае грамадзянства. Прычым па артыкуле, дзе апраўдацца практычна немагчыма — дзяржздраду.
Дзесяцікласнік Кевін Лік быў абвінавачаны ў дзяржаўнай здрадзе і прысуджаны да чатырох гадоў калоніі за фатаграфію вайсковай часткі, бачнай з яго вакна. У яго ёсць другое грамадзянства (ФРГ).
За «дзяржздраду» арыштаваны піцерскі актывіст Герман Мойжэс. Падрабязнасцяў амаль няма: справа разглядаецца ў закрытым рэжыме. У яго ёсць другое грамадзянства (ФРГ).
Чэкісты фармуюць «абменны фонд» — яны арыштоўваюць невінаватых людзей з нямецкім грамадзянствам для таго, каб потым абмяняць іх на афіцэра расійскіх спецслужбаў Красікава, асуджанага ў Нямеччыне да пажыццёвага зняволення за заказное забойства. Гэта значна больш подла, чым перадаць 20 кілаграмаў солі зняволенаму.
Але вы ж думаеце, што вас гэта ніяк не закране — у вас жа няма падвойнага грамадзянства.
Глядзіце таксама
Толькі беззаконне немагчыма стрымліваць, калі яно ўсюды.
Нельга крыкнуць «гаршчочак, не вары». Позна пісаць ліст: «Таварыш Сталін, адбылася жахлівая памылка».
Калі вы не выходзіце за іншых, то хто выйдзе за вас? Калі вы змірыліся з беззаконнем і навучыліся хаваць вочы.