Знойдзеныя ў Вільні парэшткі паўстанцаў перапахаваюць у лістападзе

Знойдзеныя ў Вільні на гары Гедыміна астанкі ўдзельнікаў паўстання 1863-1864 гадоў перапахаваюць на віленскіх могілках Расу ў лістападзе. На цырымоніі перапахавання чакаюцца прэзідэнт Польшчы, прадстаўнікі Беларусі, Украіны, Латвіі.

Віцэ-канцлер урада Дэйвідас Матулёніс кажа, што дакладная дата цырымоніі будзе залежаць ад таго, як будуць ісці справы з абсталяваннем капліцы для пахаванняў на могілках Расу. "Калі мы будзем бачыць, што ўсё па плане, зафіксуем дату, хутчэй за ўсё, у канцы кастрычніка або ў самым пачатку лістапада і пасля ўзгаднення з польскім бокам пачнем падрыхтоўку да цырымоніі", — сказаў Матулёніс.
Паводле яго слоў, запрашэнне прыехаць у Вільню перададзена прэзідэнту Польшчы Анджэю Дудзе, запрошаная і ўрадавая дэлегацыя Беларусі. Пакуль не ясна, ці будзе ў яе складзе беларускі прэм'ер Сяргей Румас. "Што тычыцца іншых дзяржаў, напэўна, мы таксама запросім прыняць удзел, але на больш нізкім узроўні. Гэта Латвія, Украіна", — дадаў намеснік канцлера урада. Як паведамлялася раней, пры абсталяванні капліцы ў дзвюх захаваўшыхся паўкруглых нішах фармуюцца месца для пахавання праху паўстанцаў, вырабляюцца саркафагі, геральдычныя ўпрыгажэнні, прыстасоўваецца асвятленне.
Загадчык Аддзелам культурнай спадчыны Вільнюскага гарадскога самакіравання Дарус Даунорас сказаў, што капліца XIX стагоддзя доўгі час была занядбана, некаторы час таму яна была прыведзена ў парадак звонку, цяпер завяршаецца ўладкаванне яе знутры. "Апошнім этапам будзе абсталяванне месцаў пахавання: калумбарыя, гербаў, крыжоў. Гэтая праца ўжо пачалася, так як адны працы іншым не перашкаджаюць, элементы можна вырабляць не абавязкова на месцы, яны вырабляюцца ў майстэрнях. Усё павінна быць абсталявана да 1 лістапада", — сказаў ён. "Паўстанцы будуць пахаваны з належнымі ўшанаваннямі, я мяркую, што гэта будзе дадатковы цэнтр прыцягнення на могілкі і для літоўцаў, і для палякаў, і для беларусаў", — дадаў спецыяліст.
Рашэнне пра перапахаванне знойдзеных на гары Гедыміна парэшткаў паўстанцаў і іх лідараў Жыгімонта Серакоўскага і Кастуся Каліноўскага на могілках Расу было прынята год таму. Археолагам удалося знайсці на гары Гедыміна 20 астанкаў удзельнікаў паўстання з 21. Імёны паўстанцаў будуць запісаныя на літоўскай, польскай і беларускай мовах.
Паводле delfi.lt