Паліцыя завяршыла расследаванне забойства Шарамета
На думку ўкраінскага следства, сабраных доказаў цалкам дастаткова для суда
Суд выносіць рашэнне пакінуць Юлію Кузьменка пад арыштам
Частка сабраных матэрыялаў у дачыненні да падазраваных следчыя выдзелілі ў асобную вытворчасць.
Следчы паліцыі паведаміў адвакатам падазраваных у забойстве журналіста Паўла Шарамета пра завяршэнне дасудовага расследавання. Пра гэта ў пятніцу, 22 траўня, адвакат Тарас Бяспалы паведаміў у каментары выданню “Украінская праўда”.
"Паведамляюць аб завяршэнні дасудовага расследавання. Сёння вынеслі пастанову, матэрыялы адносна Кузьменка, Антоненка, Дугар выдзелілі ў новую вытворчасць і адразу абвясцілі пра завяршэнне дасудовага расследавання", — сказаў ён.
Тарас Бяспалы абараняе інтарэсы медыка і валанцёра Юліі Кузьменка. Адвакат іншага падазраванага, валанцёра і медсёстры Яны Дугар, таксама пацвердзіў, што бліжэйшым часам ім павінны паведаміць пра завяршэнне расследавання.
Раней суд пакінуў Юлію Кузьменка пад арыштам. Яе абарона прасіла аб пераводзе ў бальнічны стацыянар у сувязі з пагаршэннем стану здароўя.
Паводле korrespondent.net