Каманда Віктара Бабарыкі падала дакументы на яго рэгістрацыю кандыдатам у прэзідэнты

Пра гэта паведаміў штаб ініцыятыўнай групы Віктара Бабарыкі.

Каманда Віктара Бабарыкі, які сам цяпер знаходзіцца ў СІЗА КДБ, падала ў ЦВК дакументы на яго рэгістрацыю кандыдатам у прэзідэнты. Пра гэта паведаміў афіцыйны тэлеграм-канал Віктара Бабарыкі

«Нягледзячы на ​​тое, што Віктар Бабарыка ўсё яшчэ не на свабодзе, наш штаб праводзіць працэс рэгістрацыі да канца. Таму сёння, 20 чэрвеня, прадстаўнік штаба адвакат Максім Знак падаў пакет дакументаў для рэгістрацыі Віктара Бабарыкі кандыдатам у Прэзідэнты Рэспублікі Беларусь у ЦВК», — паведамляюць у штабе Віктара Бабарыкі.
Адвакат Максім Знак падзяліўся інфармацыяй на старонцы ў Фэйсбуку:
«Я па даверанасці падаў дакументы ў ЦВК для пачатку рэгістрацыі Віктара Бабарыкі ў якасці кандыдата ў Прэзідэнты Рэспублікі Беларусь. Мабыць, гэта ўсё факты, якія вам трэба ведаць, каб зразумець, у чым заключаецца план Віктара Бабарыкі.Яго план — гэта вы. Гэта тысячы добрых і смелых людзей, якія адгукнуліся на заклік уступіць у ініцыятыўную групу, і не здагадваючыся пра тое, што гэта немагчыма, сабралі амаль 435 000 подпісаў. Гэта сотні тысяч тых, у кім прачнулася надзея на перамены. Гэта мільёны тых, хто будзе вырашаць лёс краіны — народ Рэспублікі Беларусь», — адзначыў Максім Знак.