За суткі ў Беларусі выявілі 1967 новых пацыентаў з COVID-19, 10 памерлі

У Беларусі за суткі выяўленыя 1967 новых пацыентаў з COVID-19, паведаміла Міністэрства аховы здароўя. Усяго ж дыягназ з пачатку эпідэміі ўжо быў пастаўлены ў 219663 выпадках.

Выпісаныя 2314 пацыентаў за суткі, а ўсяго выздаравелымі Міністэрства аховы здароўя лічыць 202446 пацыентаў, перадае REFORM.by.

За суткі памерлі 10 пацыентаў з выяўленай каронавіруснай інфекцыяй, а ўсяго па афіцыйнай статыстыцы пандэмія забрала жыцці 1544 чалавек.

Лабараторыі выканалі за суткі 24668 тэстаў, а ўсяго з пачатку пандэміі — 4,19 млн.