Цела кіраўніцы беларускай суполкі Мікалаева дасталі з-пад завалаў. Яна загінула ад расійскай ракеты

Таццяна Дзяменнікава стала адной з тых, хто загінуў у выніку ўдару па будынку абладміністрацыі 29 сакавіка.

Таццяну Дзяменнікаву, якая працавала ў эканамічным дэпартаменце Мікалаеўскай абласной дзяржаўнай адміністрацыі і ачольвала абласное нацыянальна-культурнае таварыства беларусаў «Голас Радзiмы», сёння дасталі з-пад завалаў.

Яе цела апазналі сваякі, паведамляе радыё, прызнанае ў Беларусі «эстрэмісцкім».

Таццяна Дзяменнікава стала адной з 33 ахвяр абстрэлу расійцамі будынка абласной адміністрацыі, які адбыўся 29 сакавіка.