Расійскі суд прысудзіў украінца Паўла Грыба да 6 гадоў калоніі

Украінца Паўла Грыба, выкрадзенага на тэрыторыі Беларусі, у Расіі асудзілі на 6 гадоў калоніі па справе аб падбухторванні да тэракту.

Паўночна-Каўказскі акруговы ваенны суд прыгаварыў да шасці гадоў калоніі 19-гадовага ўкраінца Паўла Грыба, які абвінавачваецца ў садзейнічанні тэрарызму, піша “Новая газета”. На знак пратэсту супраць прысуду юнак абвясціў бестэрміновую галадоўку.

Суддзя дадаў, што з агульнага тэрміну пазбаўлення волі будзе вылічаны час, як Павел Грыб правёў у расійскім СІЗА.

Бок абароны настойваў, што Павел Грыб не падбухторваў Таццяну Яршову здзейсніць тэракт у дзень выпускнога. Адвакат Марына Дубровіна заявіла, што следства не мае дастатковай колькасцю доказаў віны Паўла.

Паводле версіі ФСБ, Павел Грыб спрабаваў пераканаць 17-гадовую школьніцу з Сочы Таццяну Яршову закласці самаробнае выбуховае прыстасаванне ў школе № 26 і падарваць яго ў дзень выпускнога ўвечары 30 чэрвеня 2017 года, пасля чаго пасля чаго Таццяна павінна была з'ехаць з Расіі.

Нагадаем, у жніўні 2017 года Павел Грыб прыехаў на сустрэчу з дзяўчынай у Гомель, дзе ён знік. Толькі праз месяц стала вядома, што юнака ўтрымліваюць у следчым ізалятары ў Краснадары і абвінавачваюць у «падрыхтоўцы тэракту» ў школе ў Сочы. Пазней Павел казаў, што ад імя дзяўчыны Таццяны Яршовай з ім маглі стасавацца расійскія спецслужбы.