Трэнер футбольнай зборнай Украіны робіць дома кактэйлі Молатава

Вядучы ютуб-канала «ТаТоТаке» Міхаіл Співакоўскі распавёў, што галоўны трэнер зборнай Украіны Аляксандр Петракоў спрабаваў уступіць у тэрабарону, але яму адмовілі з-за ўзросту.

«Аляксандр Васільевіч Петракоў застаўся ў Кіеве, нават пайшоў, як я ведаю, у тэрабарону. Яму сказалі: "Аляксандр Васільевіч, вам жа 64 гады. Давайце мы лепш без вас". Ён вярнуўся, там ледзь не кактэйлі Молатава рабіў дома», — сказаў Співакоўскі.

Раней Петракоў сказаў, што для яго «Расіі больш не існуе».

З-за вайны матч зборнай Украіны ў адборы на ЧС-2022 супраць зборнай Шатландыі быў перанесены на чэрвень. Пераможца гэтай пары сустрэнецца з Уэльсам.

Паводле unian.net.