Дваццаць першы дзень вайны Расіі з Украінай. Галоўныя навіны
Тры тыдні ўкраінскі народ супрацьстаіць агрэсіі расійскіх акупантаў. Асноўная інфармацыя па стане на 16 сакавіка, 23.00 – у нашым матэрыяле.
Наступствы абстрэла жылога дома ў Кіеве. Фота УНІАН
Пракурор Міжнароднага крымінальнага суда ў Гаазе Карым Хан прыехаў ва Украіну.
З ім паразмаўляў прэзідэнт Украіны Уладзімір Зяленскі. Мэта візіта – афіцыйны пачатак раследвання ваенных злачынстваў расійскай арміі.
***
Прэзідэнт Украіны Уладзімір Зяленскі па відэасувязі выступіў у Кангрэсе ЗША.
Ён заклікаў Амерыку працягваць уводзіць санкцыі ў дачыненні да Расіі, каб Масква не магла працягваць фінансаванне вайны, устанавіць над Украінай беспалётную зону і даць краіне авіяцыю і зенітна-ракетныя сістэмы для абароны.
***
Дарадца кіраўніка ОП Міхаіл Падаляк заявіў аб падрыхтоўцы дакументаў для прамых перамоваў Зяленскага з Пуціным.
***
4329 чалавек з Марыупаля, сярод якіх 1033 дзіцяці, ужо ў Запарожжы.
Пра гэта паведаміў Анатоль Курцеў, сакратар Запарожскай гарадской рады.
Лекары аглядаюць пацярпелых. Людзям аказваюць псіхалагічную дапамогу. Усе перасяленцы атрымаюць у Запарожжы ўтульны прытулак.
***
Расіскія акупанты скінулі звышмагутную бомбу на Драматычны тэатр Марыўпаля.
Пра гэта паведаміў экс-гебернатар Данецкай вобласці Сяргей Тарута.
Там укрываліся ад абстрэлаў тысячы гараджан, пераважна мамы з дзецьмі. Колькасць загінулых пад заваламі невядомая. З-за пастаянных абстрэлаў разабраць завалы немагчыма.
***
У NATOадхілілі прапанову віцэ-прэм'ера Польшчы Яраслава Качыньскага аб увядзенні міратворчай місіі ва Украіну.
«Мы падтрымліваем мірныя намаганні. Мы заклікаем Расію і прэзідэнта Пуціна вывесці іх войскі, але мы не маем планаў па размяшчэнні войскаў NATO на зямлі ва Украіне», – пракаментаваў польскую ініцыятыву генеральны сакратар Альянса Енс Столтэнберг.
***
Мер Мелітопаля Іван Фёдараў вызвалены з расійскага палону, паведаміў кіраўнік ОП Андрэй Ярмак.
***
Джо Байдэн: ЗША ў бліжэйшы час перададуць Украіне абаронную дапамогу на $1 млрд, яна ўключае 800 сістэм СПА і 9 тыс супрацьтанкавых комплексаў, беспілотнікі, 7 тыс адзінак стралковай зброі і 20 млн боепрыпасаў да іх.
***
Вялікая Брытанія плануе перадаць Украіне зенітна-ракетныя комплексы STARStreak, заявіў міністр абароны краіны Бэн Уоллес.
***
Прэзідэнт ЗША Джо Байдэн публічна заявіў, што лічыць Пуціна вайсковым злачынцам.
***
Зараз надыходзіць самая небяспечная фаза вайны Украіны з Расіяй, лічыць былы спецпрадстаўнік Дзярждэпартамента ЗША па пытаннях Украіны Курт Уолкер.
«Пуцін ведае, што прайграе і падвойвае агрэсіўныя дзеянні, нават калі яго стратэгічная пазіцыя слабее. Гэта значыць, што зараз мы ўступаем у самую небяспечную фазу злашчаснай пуцінскай кампаніі. ЗША і Захад павінны асьцярожна кіраваць гэтай сітуацыяй», – заявіў Уолкер.
***
На аднаўленне Украіны пасля вайны з Расіяй спатрэбіцца 565 млрд долараў, паведаміў прэм'ер-міністр Украіны Дзяніс Шмыгаль.
«Гэта тыя сродкі, якія спатрэбяцца, каб аднаўляць нашу дзяржаву – і за рахунак сродкаў рэпатрыяцыі РФ, і за рахунак сродкаў нашых партнёраў», – падкрэсліў прэм’ер-міністр.
***
Сенат ЗША адзінагалосна прыняў рэзалюцыю, якая асуджае Пуціна, як вайсковага злачынца.
«Уладзімір Пуцін не можа пазбегнуць адказнасці за зверствы, учыненыя супраць украінскага народа», – заявіў лідэр дэмакратычнай большасці ў Сенаце Чак Шумер.
***
Расійскія акупанты выкарыстоўваюць Запароскую і Чарнобыльскую АЭС у якасці ваенных баз, заявіў кіраўнік «Энергаатама» Пётр Коцін.
***
Амаль тысяча населеных пунктаў ва Украіне зараз не маюць электразабеспячэння, паведамляецца ў ранішняй зводцы ратавальнікаў ДСНС.
***
Ахвярамі расійскай агрэсіі ва Украіне сталі ўжо 103 дзіцяці, паведаміла генпракурор Украіны Ірына Венедыктава.
***
Расійскія акупанты мінуюць украінскія сельскагаспадарчыя землі.
«Насамрэч, на жаль, ёсць вялізная пагроза таксама і ў шэрагу рэгіёнаў сельскай гаспадарцы, таму што мінуюцца не толькі прамысловыя аб'екты, не толькі інфраструктурныя аб'екты, не толькі гарады, але, на жаль, сельскагаспадарчыя надзелы», – паведаміў дарадца міністра ўнутраных спраў Вадзім Дзянісенка.