У кіраўніка спартыўнага партала «Трыбуна» адбыўся ператрус

У кватэры кіраўніка спартыўнага партала «Трыбуна» Максіма Беразінскага адбыўся ператрус, паведамляюць праваабаронцы.

1 верасня сілавікі прыйшлі ў кватэру, дзе журналіст жыў да ад'езду з Беларусі. Яны ўзламалі дзверы, а суседзям сказалі, што праз пах ацэтону падазраюць жыхароў кватэры ў вырабе наркотыкаў.

"Ганарыліся, што шумелі толькі 5 хвілін, бо на лесвічнай клетцы жывуць у тым ліку маленькія дзеці. Канфіскавалі жорсткі дыск старога кампутара, некалькі дапатопных флешек, пару белых бранзалетаў, пару чырвоных, магніцік з "Пагоняй" з лядоўні і біту з лагатыпам Tribuna. Больш за ўсё перажываў, каб не забралі кухню. Яна ў мяне белая, а пасярэдзіне — чырвоная лядоўня. Але кухня на месцы. Лядоўня таксама", распавёў на сваёй старонцы ў фэйсбуку Максім Беразінскі.