У аўторак вызваляюць Паўла Севярынца
У аўторак, 16 мая, з Цэнтра ізаляцыі правапарушальнікаў у завулку Акрэсціна прыкладна а 14:30 мусяць вызваліць сустаршыню Беларускай хрысціянскай дэмакратыі Паўла Севярынца
Суд над Паўлам Севярынцам. 2 мая 2017 года
Павел Севярынец быў асуджаны на 15 сутак арышту за ўдзел у акцыі пратэсту 1 мая ў Мінску.
Увогуле за няпоўныя тры месяцы вясны Павел Севярынец правёў за кратамі ў суме 40 дзён: з 12 па 27 сакавіка, з 31 сакавіка па 10 красавіка і з 1 па 16 мая.
Таксама за вясну яго двойчы аштрафоўвалі ў суме на 2300 рублёў (каля 1200 долараў).