Сям’я пенсіянераў з Валожынскага раёна вырасціла 200 кустоў канопляў

На іх узбудзілі крымінальную справу.

Сям’я пенсіянераў з Валожынскага раёна вырасціла на сваім прысядзібным участку ў вёсцы Падневічы болей за 200 кустоў канопляў. Як паведамляе Еўрарадыё, сужэнцаў затрымалі дома. Апроч канопляў на агародзе ў іх знайшлі і канфіскавалі 34,3 кг высушанай марыхуаны.
На мужа і жонку завялі крымінальную справу паводле ч. 1 арт. 328 КК (незаконны абарон наркатычных сродкаў, псіхатропных рэчываў, іх прэкурсараў і аналагаў). Для якіх мэтаў яны вырошчвалі каноплі — не паведамляецца.