Міграцыйны крызіс: У ЕС з боку Беларусі ўжо імкнуцца патрапіць кубінцы

Геаграфія нелегальных мігрантаў, якія спрабуюць патрапіць у Польшчу і Літву з Беларусі, пашыраецца.

За мінулыя суткі 115 мігрантаў спрабавалі трапіць у Літву і Польшчу з боку Беларусі.

3 верасня ў Польшчу спрабавалі трапіць 37 чалавек, сярод якіх 20 грамадзян Кубы. Яны незаконна перасеклі мяжу на ўчастку Белавежа. За месяц сярод затрыманых былі замежныя грамадзяне з больш чым 40 краін.

На літоўска-беларускай мяжы за суткі былі затрыманыя 78 мігрантаў.

У мігрантаў, якія спрабуюць патрапіць у ЕС з Беларусі, выяўляюць расійскія візы

Відавочна, што міграцыйны крызіс ад 2021 года нікуды не дзеўся. Памежнікі Польшчы і Літвы (у меншай ступені Латвіі) адзначаюць павелічэнне колькасці мігрантаў, што спрабуюць патрапіць у ЕС праз Беларусь. Раней паведамлялася, што ў многіх затрыманых нелегалаў у пашпартах стаяць расійскія візы.

Паводле reform.by.