56-гадовую Таццяну Міхайлаву затрымалі па падазрэнні ў прагулцы з парасонамі

Таццяна — маці Юліі Міхайлавай, якую ў красавіку затрымалі і асудзілі на 25 сутак арышту за шпацыр з БЧБ-парасонам на праспекце Пераможцаў. Таццяну тады таксама асудзілі на 5 сутак за «непадпарадкаванне» па арт. 24.3 КаАП, паведамляе «Вясна».

Жанчына з'яўляецца шматдзетнай мамай, у якой сямёра паўналетніх дзяцей. У яе дыягнаставаны фіброз лёгкіх — падчас мінулага затрымання, з-за адкрытай форткі ў камеры, у яе пачалася задышка.