Урну з прахам нобелеўскага лаўрэата Лю Сяабо пагрузілі ў мора

Урну з прахам памерлага лаўрэата Нобелеўскай прэміі міру, кітайскага праваабаронцы-дысідэнта Лю Сяабо пагрузілі ў моры. Такой была воля родных дысідэнта.

Цела Лю Сяабо, які памёр ад рака печані, было крэміравана ў суботу раніцай у Шэньяне. Перад гэтым адбылася цырымонія развітання, на якой прысутнічалі толькі сябры дысідэнта і яго ўдава, якая знаходзіцца пад хатнім арыштам з 2010 года.
У заяве ўладаў гаворыцца, што цела Лю Сяабо крэміравана «у адпаведнасці з мясцовымі традыцыямі і пажаданнем сям'і». На цырымоніі развітання, як паведамляецца, гучаў «Рэквіем» Моцарта.
Прадстаўнік мясцовых уладаў выказаў здагадку, што ўдава Лю Сяабо была вызвалена з-пад хатняга арышту, аднак яе адвакат заявіў, што яна працягвае заставацца пад хатнім арыштам і пасля смерці мужа.
Адвакат заклікаў сусветную супольнасць прыняць меры для яе вызвалення з-пад арышту. У пятніцу камітэт Нобелеўскай прэміі заявіў, што вельмі занепакоены становішчам ўдавы праваабаронцы і заклікаў Кітай вызваліць яе.
Кіраўнік кітайскага МЗС адпрэчыў заклікі, заявіўшы, што з Лю Ся будуць абыходзіцца па законе. Яе месцазнаходжанне вядома толькі ўладам КНР.

«Падрыўную дзейнасць»

Лю Сяабо — найбольш вядомы праваабаронца і дысідэнт ў Кітаі, ён памёр у мінулы чацвер ва ўзросце 61 года.
За месяц да смерці Лю быў пераведзены з турмы, дзе адбываў 11-гадовы тэрмін за «падрыўную дзейнасць», у лякарню на паўночным усходзе Кітая з-за рака печані, які перайшоў у тэрмінальную стадыю.
Лю Сяабо — публіцыст і універсітэцкі прафесар, які стаў праваабаронцам, — быў прысуджаны да 11 гадоў турмы ў 2009 годзе. Яго прызналі вінаватым у «падрыўной дзейнасці», пасля таго як у сваіх артыкулах заклікаў ўвесці ў Кітаі шматпартыйную сістэму.
У 2010 яму была прысуджана Нобелеўская прэмія, што выклікала рэзкую крытыку з боку Пекіна: МЗС КНР нават заявіў афіцыйны пратэст нарвежскаму амбасадару.
У Нобелеўскім камітэце Лю Сяабо назвалі галоўным сімвалам барацьбы за правы чалавека ў Кітаі. Праваабаронцу не дазволілі забраць прэмію — падчас уручэння яго крэсла пуставала.
З тых часоў пад хатнім арыштам знаходзіцца і жонка праваабаронцы Лю Ся, хоць ніякіх абвінавачванняў ёй не прад'явілі, а ў 2013 быў асуджаны і яе брат, якога прызналі вінаватым у махлярстве і прысудзілі да 11 гадоў турмы.
З заклікам вызваліць Лю Сяабо да кітайскіх уладаў неаднаразова звярталіся розныя праваабарончыя арганізацыі і нобелеўскія лаўрэаты — вядомыя пісьменнікі і духоўныя лідэры.
Афіцыйным адказам Пекіна заўсёды было ўказанне на тое, што «Лю Сяабо быў асуджаны судом на законных падставах да адбывання пэўнага турэмнага тэрміну, паколькі ён парушыў адзін з законаў КНР».
Паводле BBC