Уначы мігранты прарвалася цераз мяжу ў Польшчу

Памежная служба Польшчы паведаміла, што дзве вялікія групы мігрантаў — па некалькі дзясяткаў чалавек у кожнай — прарваліся ў Польшчу з тэрыторыі Беларусі.

Гэта адбылося ў ваколіцах Крынак і Белавежы. Каб перасекчы мяжу, мігранты зламалі агароджу. Частку мігрантаў удалося прахапіць і вярнуць на лініі мяжы, астатніх шукаюць, паведаміла Радыё Свабода са спасылкай на польскія СМІ.

Паводле прадстаўніка польскай памежнай службы Міхала Такарчыка, усіх мігрантаў затрымалі.

Польская паліцыя апублікавала фота затрыманых увечары 9 лістапада мігрантаў.

Тым часам у лагеры мігрантаў у ваколіцах Кузніцы сітуацыя спакайнейшая, паведаміла Радыё Беласток. Паводле польскіх службаў, беларускія службоўцы перадалі мігрантам ежу і пільнуюць іх.

Беларускі памежны камітэт заявіў, што на ўначы ў лагеры мігрантаў выявілі чатырох курдаў са слядамі гвалту. Паводле БПК, мігрантаў сілай выштурхнулі на беларускі бок польскія памежнікі.