У Польшчы будуць штрафаваць крамы за выкідванне ежы

Сенат, вышэйшая палата польскага парламенту, абмяркоўвае законапраект аб барацьбе з марнатраўствам ежы.

Законапраект прадугледжвае ўвядзенне абавязку перадачы непрададзеных прадуктаў харчавання з кароткім тэрмінам прыдатнасці тым, хто маюць у гэтым патрэбу, піша Польскае радыё. Рэгуляванне ахоплівае буйныя гандлёвыя сеткі. Сенатар дакладчык праекта Антоні Шыманскі адзначае, што ў Польшчы ў год траціцца 9 тон харчоў.
Згодна з законам, крамы павінны перадаваць ежу арганізацыям, якія затым перададуць яе мала забяспечаным. Таксама прадугледжаны штрафы для гандлёвых сетак, якія не падпішуць дамовы аб супрацоўніцтве з дабрачыннай арганізацыяй.