Не выпадковасць! Аказваецца, год таму Су-27 РФ спрабаваў збіць ракетамі самалёт Брытаніі
Расійскі Су-27 свядома выпусціў ракеты былі па самалёце-выведніку Boeing RC-135, на борце якога знаходзіліся каля 30 брытанскіх вайскоўцаў.
Расійскі знішчальнік Су-27 выпусціў ракету побач з брытанскім самалётам-разведчыкам над Чорным морам
З'явіліся новыя падрабязнасці інцыдэнту над Чорным морам, які адбыўся ў верасні мінулага года, калі расійскі знішчальнік у міжнароднай паветранай прасторы выпусціў дзве ракеты па самалёце-выведніку брытанскіх Каралеўскіх ВПС. Як стала вядома ВВС, гэта адбылося не выпадкова — пілот Су-27 так зразумеў загад з зямлі.
У 2022 годзе расійскае Міністэрства абароны заявіла, што інцыдэнт быў выкліканы тэхнічнай няспраўнасцю, прынесла свае прабачэнні, якія брытанскі бок публічна прыняў.
Аднак цяпер тры высокапастаўленыя крыніцы ў заходніх абаронных ведамствах паведамілі ВВС, што перахопленыя размовы расійскіх пілотаў і іх дыспетчараў малююць карціну, якая вельмі моцна адрозніваецца ад афіцыйнай версіі таго, што адбылося на самай справе.
Што здарылася?
Экіпаж самалёта-выведніка Каралеўскіх ВПС, у якім было каля 30 чалавек, выконваў місію назірання за Чорным морам у міжнароднай паветранай прасторы 29 верасня мінулага года, калі сустрэў два расійскія знішчальнікі Су-27.
Расійскія ракеты былі выпушчаныя па самалёце-выведніку Boeing RC-135, на борце якога знаходзіліся каля 30 брытанскіх вайскоўцаў
Як вынікае з перахопленых перамоваў, адзін з расійскіх пілотаў палічыў, што яму дадзены дазвол атакаваць брытанскі самалёт — пасля таго, як з расійскай наземнай станцыі паступіла каманда, якую можна было тлумачыць неадназначна.
Аднак пілот другога Су-27 зразумеў загад інакш, і калі яго з другога самалёта выпусцілі ракету, абурыўся і вылаяўся.
У Мінабароны Вялікабрытаніі тлумачаць, што перахоп расійскага эфіру стаў магчымы дзякуючы таму, што самалёт Rivet Joint, які падвергнуўся нападу, абсталяваны адмысловымі датчыкамі.
«Мы заўсёды імкнёмся забяспечваць бяспеку нашых аперацый, пазбягаць непатрэбнай эскалацыі і інфармаваць грамадскасць і міжнародную супольнасць», — заявіў прадстаўнік ведамства.
Апублікаваць дэталі перахопу брытанскія ўлады не плануюць і не тлумачаць, чаму дагэтуль рабілі выгляд, што вераць афіцыйнай версіі Расіі.
Глядзіце таксама
Але нешта стала ўсё ж вядома?
Са слоў адной з крыніц ВВС, у камандзе расійскага наземнага дыспетчара пілотам Су-27 прагучалі словы: «У вас ёсць цэль».
Прамога загаду ўразіць цэль, мяркуючы па ўсім, не было, але пілот інтэрпрэтаваў словы дыспетчара менавіта так.
Заходнія крыніцы ў абаронных структурах звяртаюць увагу на тое, што фраза, якая прагучала, сапраўды вельмі двухсэнсоўная.
Па іх словах, падобныя фармулёўкі сведчаць пра абуральны непрафесіяналізм тых, хто быў уцягнуты ў сітуацыю. Пілоты і дыспетчары ВПС НАТА выкарыстоўваюць гранічна дакладныя фармулёўкі загадаў.
Вынікам размытага ўказання расійскага дыспетчара ледзь не стала трагедыя: адзін з пілотаў выпусціў ракету тыпу «паветра-паветра» па брытанскім Rivet Joint.
Крыніцы ВВС упэўненыя, што экіпаж Каралеўскіх ВПС не загінуў толькі таму, што навядзенне па цэлі было не зусім дакладным. Ні пра якія тэхнічныя няспраўнасці, якія, паводле афіцыйнай версіі расійскага боку, нібыта сталі прычынай самаадвольнага пуску ракеты, гаворка не ідзе, кажуць заходнія эксперты.
Таксама вядома, што пасля пуску паміж двума расійскімі пілотамі адбылася размова на падвышаных танах.
З перахопу чуваць, як пілот другой машыны абрынуўся на свайго калегу з матам і крычаў, што ніякай каманды страляць не было.
Аднак, нягледзячы на гэта, першы пілот выпусціў яшчэ адну ракету.
Глядзіце таксама
Са слоў брытанскіх крыніц у Мінабароны, другая ракета проста ўпала з крыла, што сведчыць альбо пра яе няспраўнасць, альбо пра тое, што яе запуск быў перапынены.
Праз тры тыдні пасля інцыдэнту, у кастрычніку 2022 года, міністр абароны Вялікабрытаніі Бэн Уолес заявіў, што Лондан прымае версію расійскага боку аб тэхнічных няспраўнасцях.
«Мы не лічым гэты інцыдэнт наўмыснай эскалацыяй з боку расіян, і наш аналіз таго, што адбылося, таксама пацвярджае, што адбыўся тэхнічны збой», — заявіў Уолес.
Аднак цяпер высвятляецца, што абедзве ракеты былі выпушчаныя мэтанакіравана, і тэхнічныя непаладкі здарыліся з другой ужо пасля пуску.
Вядома таксама, што амерыканская выведка з самага пачатку не была схільная лічыць інцыдэнт над Чорным морам прыкрай тэхнічнай выпадковасцю і папярэджвала пра гэта сваіх брытанскіх калегаў.
Чаму Брытанія схавала, што ведае праўду
Адной з прычын, кажуць эксперты, магло быць нежаданне брытанскага камандавання апублічваць свае сапраўдныя магчымасці ў зборы інфармацыі і тэхніцы перахопаў.
Таксама, магчыма, Лондан не хацеў эскалацыі, якая магла б уцягнуць краіну-чальца NATO ў наўпроставую канфрантацыю з Расіяй.
«Гэты інцыдэнт з'яўляецца суровым напамінам аб патэнцыйных наступствах варварскага ўварвання Пуціна ва Украіну», — сказаў прадстаўнік брытанскага Мінабароны ў каментары ВВС.
Гэта не першы выпадак, калі расійскі пілот цэліўся ў самалёт NATO ў міжнароднай паветранай прасторы.
У сакавіку гэтага года расійскі самалёт збіў амерыканскі беспілотны выведвальны дрон, таксама над Чорным морам.
За той напад пілот быў узнагароджаны медалём, але большасць экспертаў сыходзяцца ў меркаванні, што гэта адбылося хутчэй выпадкова, чым дзякуючы яго навыкам або здароваму сэнсу.
І зноў на першы план выходзіць трывожная сітуацыя з дысцыплінай і прафесіяналізмам у расійскім войску, кажуць эксперты.
Нягледзячы на тое, што брытанскі экіпаж ледзь не загінуў у паветраным інцыдэнце, Каралеўскія ВПС працягваюць выконваць назіральныя палёты над Чорным морам, але цяпер у суправаджэнні знішчальнікаў «Тайфун», аснашчаных ракетамі класа «паветра-паветра».
Глядзіце таксама
