Лаўроў зноў заявіў аб гатоўнасці Расіі да перамоваў з Украінай і папярэдзіў, што цягнуць не варта

Пуцін і кіраўніцтва Расіі гатовы да правядзення перамоваў па Украіне. Аб гэтым заявіў міністр замежных спраў РФ Сяргей Лаўроў у інтэрв'ю для фільма «Свет на мяжы. Урокі Карыбскага крызісу».

— Гатоўнасць Расіі, у тым ліку яе прэзідэнта Пуціна, да перамоваў, застаецца нязменнай. За апошнія паўгода было некалькі ініцыятыў з боку амерыканцаў і некаторых іншых заходніх калег, якія прасілі аб тэлефонных размовах з Пуціным. Некаторыя міністры замежных справаў звярталіся да мяне з такой жа просьбай. Мы заўсёды давалі згоду, мы заўсёды будзем гатовы выслухаць магчымыя прапановы па зніжэнні напружанасці ад заходніх калег, — заявіў Лаўроў.
Кіраўнік расійскага МЗС адзначыў, што Украіна і Захад павінны разумець, што «чым даўжэй яны цягнуць з перамовамі, тым складаней ім будзе з намі дамаўляцца».
— У сваёй прамове ў Крамлі 30 верасня Пуцін яшчэ раз заклікаў кіеўскі рэжым спыніць ваенныя дзеянні і сесці за стол перамоваў. Захад у чарговы раз «прапусціў гэта праз вушы», а Зяленскі заявіў, што з цяперашнім прэзідэнтам Расіі ён размаўляць не збіраецца. Нават падпісаў загад, які яму гэта забараняе рабіць. Ён — артыст камедыйнага жанру, але зараз ужо не да камедый. Трагічны абарот атрымліваюць падзеі ва Украіне з-за таго, што адбываецца з гэтым рэжымам, які карыстаецца абсалютнай беспакаранасцю Захаду, — сказаў Лаўроў.
Нагадаем, раней Пуцін заяўляў, што гатовы да перамоваў з Украінай. Пры гэтым падкрэсліўшы, што «выбар народа» самаабвешчаных рэспублік, Херсонскай і Запарожскай абласцей абмяркоўвацца не будзе, «Расія гэтаму выбару не здрадзіць».
Прэзідэнт Украіны Уладзімір Зяленскі зазначыў, што яго краіна заўсёды выступала за перамовы, але відавочна, што з цяперашнім расійскім прэзідэнтам гэта немагчыма. Таму краіна гатова дамаўляцца, але ўжо з іншым прэзідэнтам РФ.
Чацвёртага кастрычніка Зяленскі зацвердзіў рашэнне Рады нацыянальнай бяспекі і абароны (РНБА), якое ўводзіць забарону на перамовы з  Пуціным.