Еўрасаюз азнаёміў Святлану Ціханоўскую з праектам Усеахопнага плану дапамогі Беларусі

Грошы, вядома ж, будуць накіраваныя не цяперашняму рэжыму.

Ціханоўская абмяркоўвала яго з гендырэктарам дэпартаменту палітыкі добрасуседства і перамоваў па пашырэнні Еўракамісіі Мацеем Папоўскі.
План прадугледжвае фінансавую дапамогу для нашай краіны і падтрыманне палітычных і эканамічных рэформаў з удзелам МВФ, ЕБРР і Сусветнага банку.
Грошы, вядома ж, будуць накіраваныя не цяперашняму рэжыму, а дэмакратычным сілам пасля правядзення новых сумленных выбараў.
У падтрымку плана выступілі КС, НАК і Вераніка Цапкала, якія падпісалі зварот да Прэзідэнта Еўракамісіі Уршулі ван дэр Ляйен з заклікам апублікаваць План і падтрымаць ідэю правядзення міжнароднай канферэнцыі высокага ўзроўню для вырашэння крызісу ў Беларусі.