Вярхоўны суд не задаволіў пазоў страйкоўцаў «Беларуськалія»

У аўторак, 19 студзеня, Вярхоўны суд разгледзеў касацыйную скаргу страйкаму «Беларуськалія» на прызнанне незаконнай забастоўкі на прадпрыемстве. Як паведамляе телеграм-канал стачкама «Беларуськалія», суд пастанавіў пакінуць нязменным рашэнне Мінскага абласнога суда аб прызнанні забастоўкі незаконнай.

«Рашэнне абласнога суда пакінуць нязменным. Прадстаўнікоў «Беларуськалія» на вынясенні рашэння суда не было», — гаворыцца ў телеграм-канале стачкама прадпрыемства.

Як развіваліся падзеі з забастоўкай на «Беларуськаліі»

17 і 18 жніўня 2020 года на «Беларуськаліі» прайшоў страйк. Паводле звестак табеля ўліку працоўнага часу на прадпрыемстве, 17 жніўня было 120 выпадкаў нявыхаду на працоўныя месцы, 18 жніўня — 671. Пры гэтым стачком паведамляе аб тым, што на той момант пад патрабаваннем аб страйку падпісалася блізу 6-7 тысяч чалавек з прыкладна 16,5 тысячы работнікаў прадпрыемства.

У верасні 2020 года суд Мінскай вобласці прызнаў страйк на «Беларуськаліі» незаконным. На пасяджэнні суда прадстаўнікі «Беларуськалія» распавядалі пра тое, што з-за забастоўкі прыйшлося спыніць працу трох з чатырох рудаўпраўленняў па прычыне «неэфектыўнай працы і эксплуатацыі". Каб мінімізаваць шкоду, у гэтыя дні вырашылі правесці планавыя рамонтныя работы.

Некаторыя работнікі «Беларуськалія» цягам апошніх некалькіх месяцаў абвяшчалі аб уступленні ў стачку, каб выказаць нязгоду з тым, што адбываецца ў краіне і на прадпрыемстве. Па дадзеных на пачатак снежня 2020 года, да стачцы далучылася больш за 100 чалавек. Больш за палову з іх на той момант ужо былі звольненыя.

Паводле tut.by