Мінскія ўлады запусцяць telegram-каналы для абмеркавання з гараджанамі пытанняў ЖКГ

У Мінску з'явяцца інфармацыйныя пляцоўкі, дзе мінчане змогуць выказваць праблемы, якія тычацца сферы ЖКГ, і абмяркоўваць з мясцовымі ўладамі спосабы іх вырашэння, у тым ліку з удзелам саміх жыхароў, паведаміў мэр сталіцы Уладзімір Кухараў.

"Камунікацыя там будзе пабудавана ў форме абмеркавання надзённых праблем гараджан. З дапамогай такога дыялогу можна ўцягнуць людзей у кіраванне тэрыторыямі, ўдасканаленне сваіх дамоў, пад'ездаў, двароў", - распавёў ён падчас тэлефоннай лініі. Словы Кухарава прыводзіць афіцыйны тэлеграм-канал Мінгарвыканкама "Мінск. Афіцыйна".
Мэр таксама падкрэсліў, што ў горадзе будзе кардынальна перагледжана сістэма работы па выкананню капрамонту. Будуць выпрацаваны выразныя механізмы, якія прадугледжваюць і падыходы да выбару дамоў для рамонту, і зоны адказнасці кожнага канкрэтнага ўдзельніка працэсу, і кантроль, у тым ліку з боку жыхароў, паабяцаў ён.
Кіраўнік Мінгарвыканкама растлумачыў: плануецца ставіць на капрамонт хаты не кропкава, а падыходзіць комплексна: рамантаваць адразу некалькі дамоў з агульным дваром, выконваючы пры гэтым добраўпарадкаванне дваровай тэрыторыі, заадно прапаноўваць жыхарам цеплавую мадэрнізацыю, рамонт пад'ездаў, у тым ліку праз дадатковыя каналы зносін - telegram- каналы і чаты.
"Трэба будзе шчыльна заняцца дваровымі праездамі. Задача на наступны год - прывесці там у парадак асфальтавае пакрыццё", - падкрэсліў кіраўнік Мінска.
interfax.by