Самалётам на Браславы? Чаму б не!
Магчымым прарывам у развіцці малой авіяцыі можа стаць паўнавартасны запуск абноўленага аэрадрома Ліпкі пад Мінскам.
Мала хто ведае, але калісьці з аэрапорта МІнск 1 можна было даляцець нават на МІнскае мора. Калі патэнцыял новага аэрадрому будзе задзейнічаны цалкам, гэта адкрые малой авіяцыі Беларусі новыя магчымасці.
24 ліпеня на
рэканструяваным аэрадроме ў Ліпках журналістам прэзентавалі абноўленую
узлётна-пасадачную паласу і трэніравальны цэнтр, куды з Баравой пераязджае
Мінскі аэраклуб ДТСААФ. У тым ліку журналісты змаглі ацаніць новы аэрадром з борту верталёта.
Новыя
магчымасці Ліпак і сучаснае абсталяванне могуць даць шруршок для развіцця малоў
авіяцыі ў Беларусі. А таксама адкрыць Беларусь для прыватнага авіятранспарту са
ўсяго свету.
Адзінае, што для гэтага зараз трэба — унесці змены ў авіяцыйныя правілы: змяніць дазвольны прынцып палётаў на заяўляльны. Пра гэта заявіў Аляксандр Цэнтэр, кіраўнік Беларускай федэрацыі авіяцыйнага спорту, старшыня праўлення групы кампаній "А-100".
На думку кіраўніка
Беларускай федэрацыі авіяцыйнага спорту, старшыні праўлення групы кампаній
"А-100" Аляксандра Цэнтера, акрамя рашэння відавочных задач накшталт
забеспячэння бяспекі і стварэння сучаснай пляцоўкі аэраклуба, у абноўленых
Ліпак ёсць значна большы патэнцыял.
— Як мне здаецца, Ліпкі ў перспектыве маглі б узяць на сябе частку функцый закрытага аэрапорта "Мінск-1". Чаму б тут не прымаць прыватныя суда, замежнікаў ці не аднавіць авіязносіны паміж Менскам і абласнымі гарадамі, у якіх ёсць дзейсныя аэрапорты, але няма пасажыраў і самалётаў? — распавёў Аляксандр Цэнтэр. — Для развіцця эканомікі і бізнесу патрэбныя больш высокія хуткасці, чым тыя, што забяспечвае аўтамабільны транспарт. Зараз ва ўсім свеце грамадзянская авіяцыя развіваецца імкліва, і нам, каб не адставаць, трэба максімальна "адчыняць неба" — палегчыць мытныя пошліны, ўводзіць паведамляльны прынцып для палётаў. Ліпкі ўжо цяпер прымаюць "малыя" самалёты і верталёты. Пасля распаду СССР, гэта першыя прыкметныя інвестыцыі ў інфраструктуру аэрадромаў для малой авіяцыі.
Плануецца, што ў Ліпках з часам будзе праводзіцца мытны і памежны кантроль. Але ўжо зараз пры неабходнасці гэтыя працэдуры могуць праводзіцца.
Акрамя
інфраструктурных будынкаў, на пляцоўцы новага аэрадрома прадугледжана месца
таксама для гасцініцы, кафэ і крамы — усяго ў пары кіламетраў ад МКАД у
перспектыве можа з'явіцца паўнавартасны авіяцыйны комплекс для ўсіх, хто
цікавіцца небам.
Паралельна цяпер прапрацоўваецца стварэнне пляцоўкі для парашутыстаў яшчэ крыху далей ад горада, у раёне вёскі Масловічы. Тым самым аэраклуб атрымае новае жыццё, будуць створаны ўмовы для развіцця ўсіх відаў авіяцыйнага спорту.
Аэрадром сумеснага базавання МНС і ДТСААФ "Ліпкі" знаходзіцца на месцы былога ваеннага аэрадрома за ўсё ў 1,5 км ад Мінскай кальцавой. У апошнія два гады тут вяліся актыўныя будаўнічыя працы і зараз з'явіліся новыя аб'екты плошчай амаль 4000 кв.м — база Мінскага аэраклуба для падрыхтоўкі спартсменаў і ваенных лётчыкаў, ацеплены ангар для паветраных судоў, верталётныя пляцоўкі і новыя рулежные дарожкі для самалётаў. І самае галоўнае — сучасная узлётна-пасадачная паласа даўжынёю 721 метр.
У
адрозненне ад маральна састарэлай Баравой, выконваць палёты ў рэканструяваных
Ліпках можна ў любы час сутак і пару года — узлётная паласа абсталявана новым
сігнальнае абсталяванне. Аэрадром,
дзякуючы аўтаматычнай метэаралагічнай станцыі, зможа прымаць самалёты падчас
моцнага ветру і снегападаў.
Ліпкі будуць адкрыты для паветранага транспарту 365 дзён на год, сюды могуць прылятаць прыватныя суда, замежныя госці ці тыя, хто едзе праз Беларусь транзітам.
Праект рэканструкцыі быў рэалізаваны забудоўшчыкам "А-100 Дэвелапмент", які стварае на месцы "старой" Баравой жылы раён Новая Баравая, і абыйшоўся ў 10 мільёнаў даляраў. Пасля канчатковага пераезду аэраклуба ў Ліпкі, спартсмены на Баравой больш не будуць рызыкаваць, выконваючы палёты і скачкі паблізу ад гарадскіх шматпавярховак.
— Наш аэраклуб канчаткова пераедзе ў Ліпкі да восені, на працягу наступных чатырох гадоў тут атрымае новую пляцоўку і музей авіяцыі, — распавёў Мікалай Мачанскі, начальнік Мінскага аэраклуба ДТСААФ. — У Ліпках створана ўся неабходная інфраструктура для навучання ваенных лётчыкаў і спартсменаў. Тэхнічная база дазваляе ажыццяўляць запраўку і захоўванне паветраных судоў, да гэтага амаль не абслугоўваюцца ў Беларусі. Магу смела сцвярджаць, што такога аэраклуба няма ні ў адной краіне Еўропы. У наступным годзе незалежная Беларусь упершыню прыме чэмпіянат свету па верталётным спорце, і госці будуць карыстацца ўсімі перавагамі новага аэрадрома.
Чэмпіянат
свету па верталётным спорце пройдзе з 24 па 29 лiпеня 2018 года. Паглядзець,
як арганізатары і спартсмены рыхтуюцца да чэмпіянату свету можна будзе ўжо ў
гэтым годзе — 25 ліпеня ў Мінску стартуе тэст-чэмпіянат, на якім лётчыкі з пяці
краін будуць асвойваць трасу ў беларускім небе. Акрамя
таго, паглядзець на самую відовішчную частку спаборніцтваў - верталётныя гонкі
- кожны жадаючы зможа на фестывалі авіяцыйнага спорту # ПРАНЕБО, які пройдзе на
аэрадроме Баравая 29 і 30 ліпеня.
Акрамя тэст-чэмпіянату, гасцей фестывалю таксама чакаюць першыя ў Беларусі афіцыйныя спаборніцтвы па робат-рэйсінгу, паказальныя выступленні парашутыстаў і авіяцыі, лекцыі сусветна вядомых падарожнікаў, канцэрт Navi і N.R.M. Пры гэтым ўваход на фестываль свабодны.
