Агенцтва Moody's пагоршыла прагноз Беларусі — са «стабільнага» на «негатыўны»

Міжнароднае рэйтынгавае агенцтва Moody's Investors Service змяніла прагноз Беларусі са «стабільнага» на «негатыўны».

«Ключавымі фактарамі змены прагнозу з'яўляюцца павышаныя рызыкі рэфінансавання доўгу з улікам узмацнення эканамічных і фінансавых санкцый, а таксама абмежаваныя рэзервы Беларусі», — гаворыцца ў справаздачы агенцтва.

Пры гэтым доўгатэрміновы рэйтынг Беларусі застаўся на ўзроўні B3. Эксперты агенства лічаць, што на працягу наступных 12–18 месяцаў рэфінансаванне знешняга доўгу будзе падтрымлівацца назапашанымі краінай рэзервамі і фінансавай падтрымкай з боку Расіі.

Паводле «Еўрарадыё».