241-шы дзень вайны Расіі ва Украіне: масіраваныя абстрэлы Кіеўскай, Львоўскай, Чаркаскай абласцей

Расія працягвае тэрарызаваць мірнае насельніцтва Украіны. Усё новыя ўкраінскія гарады зведваюць ракетныя абстрэлы.

Сёння ноччу па ўсёй Украіне была аб'яўленая паветраная трывога. Атакавалі Ковель, Луцк, Роўна, СПА працавала ў Кіеўскай вобласці, бамбілі таксама Запарожжа, Хмяльніцкую, Адэскую, Чаркаскую вобласці. Інфармацыя пра ахвяр на дадзены момант удакладняецца. Вядома, што ў выніку двух абстрэлаў Харкава ЗРК С-300 раненні атрымалі 11 чалавек. Бахмут абстралялі касетнымі боепрыпасамі з сістэм «Град», колькасць ахвяр не паведамляецца. У Луцку пашкоджаны «аб'ект энергетыкі», ударнай хваляй зачапіла жылы дом. Ёсць пацярпелы.
Як паведамляе Генштаб УСУ, Расія рыхтуе акупаваны Херсон да вулічных баёў. У горадзе, які пакінула значная частка насельніцтва, расійскія салдаты пераапранаюцца ў грамадзянскае адзенне і займаюць пазіцыі. Таксама паведамляецца, што Кахоўскую бальніцу вызваляюць ад пацыентаў і персаналу.
За мінулыя суткі, паводле звестак аператыўнага камандавання «Поўдзень», былі знішчаны тры склады з боепрыпасамі, 53 адзінкі варожай тэхнікі — у тым ліку адзін «Град», танк, тры адзінкі аўтабранятэхнікі. Знішчаныя таксама вялікая колькасць тэхнікі і апорныя пункты ў Берыслаўскім і Баштанскім раёнах, пазіцыі СПА ў Кахоўскім раёне. Пашкоджаныя 6 браніраваных машын і 2 мінамёты. Забітыя 17 расійскіх вайскоўцаў.
Паводле unian.net