Жыхар Берасця перарабіў УАЗ, каб той ездзіў на дровах

Механік з Берасьця сваімі рукамі стварыў газагенератарную ўстаноўку, якая працуе на дровах, піша Радыё Свабода. У адмысловыя бочкі, прымацаваныя ззаду машыны, дастаткова накідаць дроў, каб завесці рухавік.

20 кілаграмаў драўніны хапае на тое, каб праехаць каля 100 кіламэтраў. Рухавік, які працуе на дровах, экалагічна чысцейшы за бензінавы, бо выкідвае ў атмасферу толькі вуглякіслы газ.
Раней газагенэратарныя ўстаноўкі выкарыстоўваліся масава, але пасля 60-х гадоў на змену дровам прыйшоў бензін.