«Прапрацуюць пытанне». «Белавія» пачне лётаць у Крым?

Пра гэта Аляксандр Лукашэнка паведаміў сёння на нарадзе па пытаннях супрацоўніцтва з Расіяй, піша «Наша Ніва» са спасылкай на БелТА.

Паводле яго слоў, Беларусь і Расія прапрацуюць пытанне аб адкрыцці авіярэйсаў у Крым. Адпаведнае даручэнне ўжо дадзена кампетэнтным ведамствам.

«Я думаю, тут не будзе праблем, — дадаў Лукашэнка. — Закрылі неба — ну што ж, ёсць і больш адкрытыя дзяржавы, праз якія мы заўсёды можам трапіць у Крым».

Раней гендырэктар «Белавіі» Ігар Чаргінец заявіў, што адна з умоў для выканання рэйсаў на паўвостраў — «палітычнае прызнанне Крыма як часткі Расіі». «Будзе палітычнае рашэнне — будзем глядзець», — заявіў ён.

Беларускія самалёты і цягнікі ўжо некалькі гадоў не лётаюць і не ездзяць у Крым.