На акцыі медыкаў адбыліся затрыманні

Відэа затрыманняў з'явілася ў тэлеграме.

Тыя, хто назіраў за акцыяй медыкаў 7 лістапада, знялі відэа. На гэтым відэа бачна, як некалькі дзясяткаў мэдыкаў сталі на прыступках каля першага клінічнага шпіталя, да іх пад’ехалі цёмнага колеру бусікі, людзей пачалі хапаць сілавікі і адводзіць у машыны.

Затрымана каля 20 чалавек.

Затрыманых мэдыкаў адвозяць і перасаджваюць у аўтазакі. Іх прыкладна за гадзіну да акцыі паставілі на паркоўку каля Акадэміі навук.

На гэтым тыдні ўжо была затрыманая вялікая група медыкаў у Мінску: Вольга Стэфановіч, Руслан Якубоўскі, Станіслаў Салавей, Зміцер і Ірына Маркелавы, Яўген Майскі, Леанід Глазкін, Валерыя Цімашэнка, Руслан Бадамшын, Дзмітрый Палій.