У Брусэлі пасля акцыі супраць рабства затрыманыя больш за 100 чалавек

Акцыя супраць рабства афрыканскіх мігрантаў у Брусэлі перарасла ў беспарадкі і скончылася маштабнымі пагромамі ў цэнтры горада.

Натоўп маладых людзей ва ўзросце ад 15 да 18 гадоў у масках разграміў адзін з дарагіх камерцыйных кварталаў, шэраг буцікоў быў разрабаваны. Праваахоўнікі паведамілі пра 100 затрыманых за ноч.
Пагромшчыкі зліліся з шэрагамі ўдзельнікаў дазволенай уладамі маніфестацыі пратэсту супраць рабства, у якое трапляюць афрыканскія мігранты ў Лівіі. Пасля завяршэння акцыі на плошчы перад Палацам правасуддзя хуліганы схавалі твары пад маскамі, рынуліся ў адзін з найбольш дарагіх камерцыйных кварталаў горада на авеню Луіз, сталі кідаць камяні ў вітрыны, граміць і рабаваць буцікі, перадае ТАСС.
Уладам прыйшлося высылаць на месца вадамёт для разгону натоўпу. Быў задзейнічаны паліцэйскі верталёт. Рух наземнага транспарту ў квартале таксама быў часова блакаваны, на дзве гадзіны зачынялася бліжэйшая станцыя метро.
Вядома, што былі разгромленыя крамы Damart і Caroline Bis, пашкоджаны паліцэйскі аўтамабіль. Памер шкоды ўдакладняецца. Па афіцыйных дадзеных, пацярпелых няма.
Паліцыя паведаміла аб аднаўленні парадку ў цэнтры горада.
«У Брусэлі парушальнікі парадку ў чарговы раз паводзілі сябе недапушчальным чынам. Крызісны цэнтр ўважліва сочыць за сітуацыяй разам з паліцыяй», - напісаў кіраўнік МУС Бельгіі Ян Ямбон.
Кіраўнік МЗС Дыдзье Рэйндэрс заявіў: «Бруссельцы нацярпеліся дастаткова гвалту ад тых, хто граміць крамы, знішчае маёмасць. Яны наносяць шкоду іміджу нашага горада, нашага рэгіёну. Мы ўсе павінны рэагаваць (нулявая памяркоўнасць, грамадзянскасць, папярэджанне, выхаванне, сацыяльнае згуртаванне)».
Паводле naviny.by