Рэнэ Фазель прыляцеў у Мінск і сустракаецца з Лукашэнкам

Кіраўнік Міжнароднай федэрацыі хакея (ІІХФ) Рэнэ Фазель прыляцеў у Мінск і ў цяперашні час праводзіць сустрэчу з Аляксандрам Лукашэнкам. Пра гэта паведамляе телеграм-канал «Пул Першага».

Галоўная тэма сустрэчы — правядзенне чэмпіянату свету па хакеі ў Беларусі.
Нагадаем, турнір павінен прайсці ў Рызе і Мінску з 21 траўня па 6 чэрвеня ў 2021 годзе. Пры гэтым Латвія адмаўляецца прымаць чэмпіянат разам з Беларуссю. Супраць гэтага таксама выступае віцэ-прэзідэнт ІІХФ Калерва Кумала.
У канцы лістапада ІІХФ заслухала даклад экспертнай камісіі. Федэрацыю турбуюць два моманты:
1. Бяспека ўдзельнікаў і заўзятараў.
2. Скептыцызм з нагоды афіцыйных паведамленняў пра колькасць выпадкаў заражэння вірусам з верасня 2020 года і маштабах дзяржаўных мер, якія прымаюцца для падаўлення пандэміі.
Пры гэтым Рэнэ Фазель накіраваны правесці чэмпіянат у Мінску. Вось што ён заявіў у канцы снежня:
«Я прыеду ў Беларусь пасля Каляд. Гэта будзе пасля 7 студзеня. Візіт запланаваны, і ён адбудзецца, на 100% у гэтым упэўнены. Я сустрэнуся з Аляксандрам Лукашэнкам, і мы абмяркуем сітуацыю, будзем рабіць усё магчымае, каб чэмпіянат свету адбыўся ў Мінску. Для гэтага прыкладзем усе намаганні».
Аб магчымай адмене правядзення чэмпіянату ў Беларусі выказаўся і сам Лукашэнка:
«Мы асабліва не парымся. Пройдзе — пройдзе, не пройдзе — не пройдзе. Але падстаў, каб ён не прайшоў, на міліметр няма. Гэта будзе ганьба поўная. Мы гатовыя хоць заўтра чэмпіянат свету праводзіць», — сказаў ён у эфіры праграмы «Дзеючыя асобы з Наілёй Аскер-задэ».
Раней аб недапушчальнасці правядзення чэмпіянату па хакеі выказвалася Святлана Ціханоўская.
«Пакуль у Беларусі больш за 160 палітзняволеных і тысячы сядзяць у турмах, ні пра якое спартыўнае свята не можа быць гаворкі. Мы сустрэлі поўнае разуменне партнёраў у гэтым», — заявіла Ціханоўская.
Раней яна падымала пытанне байкоту на сустрэчах з міністрамі замежных спраў Швецыі, Чэхіі, Даніі, Нарвегіі, Канады, Славакіі, прадстаўнікамі Швейцарыі.
Паводле tut.by