Палітычныя зняволеныя Марыя Калеснікава і Максім Знак абскардзілі прысуды

Марыя Калеснікава і Максім Знак абскардзілі прысуды, паведамляе «Вясна». Неўзабаве мусяць адбыцца новыя судовыя пасяджэнні з іх удзелам. Цяпер Калеснікава і Знак застаюцца ў СІЗА ў Мінску.

6 верасня каардынатарка штаба Віктара Бабарыкі Марыя Калеснікава была асуджаная на 11 гадоў пазбаўлення волі, а юрыст таго ж штаба Максім Знак — на 10 гадоў.

Іх прызналі вінаватымі ў «змове з мэтай захопу дзяржаўнай улады», «закліках да дзеянняў, скіраваных на нанясенне шкоды нацыянальнай бяспецы краіны» і «стварэнні экстрэмісцкага фарміравання».

Калеснікава і Знак сваёй віны не прызналі.