Працягласць жыцця ў ЗША праз каронавірус скарацілася на 1,5 года

Гэта самае высокае падзенне з часоў Другой сусветнай.

Паводле справаздачы, апублікаванай у сераду Цэнтрамі па кантролі і прафілактыцы захворванняў, чаканая працягласць жыцця ў ЗША скарацілася на паўтара года ў 2020 годзе, што з'яўляецца найбольшым гадавым зніжэннем з часоў Другой сусветнай вайны.
Скарачэнне для чарнаскурых і лацінаамерыканцаў было яшчэ большае: тры гады.
Амаль 74% агульнага зніжэння чаканай працягласці жыцця было звязана з пандэміяй COVID-19. Летась памерла больш за 3,3 мільёна амерыканцаў, што нашмат больш, чым у любы іншы год у гісторыі ЗША, пры гэтым на COVID-19 прыпадае каля 11% гэтых смерцяў.