Яд аўстралійскага павука дапаможа пры інсульце

Прафесар Глен Кінг (Glenn King) з Інстытута малекулярнай біялогіі Універсітэта Квінслэнду выявіў у атруце аднаго з аўстралійскіх павукоў рэчыва, здольнае дапамагчы пры інсульце. Увядзенне гэтага рэчыва значна запаволіць паразу мозгу і дасць пацыентам магчымасць атрымаць своечасовую дапамогу.

Вучоны даследаваў аднаго з павукоў сямейства Hexathelidae, які насяляе выспу Фрэйзер ля ўсходняга ўзбярэжжа Аўстраліі. Як і ў іншых прадстаўнікоў гэтага сямейства дадзены павук будуе сетку, якая нагадвае па форме варонку. Жывуць прадстаўнікі гэтага віду ў норах ў пясчанай глебе выспы.
Пры інсульце крытычным фактарам аказваецца час, які прайшоў да аказання медычнай дапамогі. Калі пацыент хутка трапляе ў рукі дактароў, значнай часткі цяжкіх наступстваў можна пазбегнуць. Але калі інсульт здараецца удалечыні ад клінік, то па сканчэнні значнага часу медычная дапамога апынецца ўжо малаэфектыўнай. Па словах Глена Кінга, рэчыва з яду дадзенага павука блакуе ўздзеянне інсульту, затрымліваючы масавую гібель нейронаў мозгу, і значна павялічвае існуючы ў пацыента запас часу.
Вучоны мяркуе, што прэпарат на аснове гэтага рэчыва можа ўводзіцца пацыенту работнікамі хуткай дапамогі перад транспартыроўкай яго ў бальніцу. Ён таксама лічыць, што рэчыва будзе эфектыўна як пры ішэмічным інсульце (выкліканым закаркаваннем крывяносных сасудаў), так і пры гемарагічным (тое, што здарылася ў выніку кровазліцця ў мозг). Эксперыменты, праведзеныя з грызунамі, пацвярджаюць здагадкі Глена Кінга і яго калег, але да ўвядзення гэтага прэпарата ў клінічную практыку маюцца быць яшчэ выпрабаванні, якія прадоўжацца некалькі гадоў.
Кінг патлумачыў журналістам ABC, што для вытворчасці прэпарата не спатрэбіцца лавіць на востраве Фрэйзер атрутных павукоў, якія і так не гэтак ужо шматлікія. Навукоўцы ўжо ўставілі адпаведны ген павука ў геном бактэрыі, прымусіўшы яе выпрацоўваць патрэбнае рэчыва. Пры пераходзе на масавую вытворчасць ген можна будзе ўставіць у геном дражджавых грыбкоў.
Паводле Pro Science