Чарнышоў: Абапірацца можна толькі на тое, што супраціўляецца
Мана ў дакладах
расійскага камандавання набліжае перамогу Украіны, разважае блогер Дзмітрый Чарнышоў.
Сумленная зваротная сувязь неверагодна важная, асабліва на вайне. І тое, што расійскае войска аб'яўляе здраднікамі і даводзіць да самагубства сваіх ваенкораў, якія не баяліся казаць праўду пра адсутнасць кіраўнічага таленту камандавання і пра жахлівыя страты — гэта вельмі добра. Патака і глазура ў дакладах расійскага камандавання набліжаюць перамогу Украіны.
Зваротная сувязь — гэта нервы. Уявіце чалавека, які ўзяў у рукі гарачую патэльню. Нервовая сістэма гарлапаніць з усіх сіл — горача, балюча, дурань, кінь неадкладна! Але "Канашэнкаўскі" аддзел у мозгу блакуе сігнал і бадзёра рапартуе — усё выдатна, патэльня ў нашых руках. А ў гэты час рабочая канечнасць ужо дыміцца і асмальваецца.
Значыць, меншыя магчымасці будзе яна мець пазнейшы час.
Я разумею, што мае словы могуць здацца вам блюзнерствам, але тое, што расійскае войска — несучы такія страты, аднак усё ж павольна прасоўваецца наперад — гэта нават лепш, чым калі б яно стаяла на месцы.
Гэта стварае ў камандавання ілюзію, што сістэма працуе — і нічога мяняць не трэба: глядзіце, мы ж узялі Аўдзееўку!
Хоць менавіта так Расія з максімальна магчымай хуткасцю прайграе, а не выйграе вайну. Стратамі сем да аднаго па людзях і дзесяць да аднаго па тэхніцы.
Глядзіце таксама
p.s.
Як тут ні прыгадаць адну з гісторый пра важнасць зваротнай сувязі:
Японец Норыа Ога быў гарачым меламанам. Ён скончыў Такійскі нацыянальны ўніверсітэт прыгожых мастацтваў і музыкі, быў оперным спеваком і дырыжорам. Захапляўся фізікай і разбіраўся ў тэхналогіях музычнага гуказапісу.
У 1950 годзе кампанія Sony, якая тады яшчэ звалася TTK, выпусціла першы ў Японіі магнітафон. Норыа Ога паслухаў, як гучыць на ім класічная музыка, і напісаў вельмі рэзкі ліст у кампанію. Трохі спрашчаючы, можна перадаць сэнс ліста трыма словамі: »Ваш магнітафон — лайно".
Замест таго, каб назваць аўтара ліста хейтарам, кампанія Sony пагадзілася з крытыкай і ўзяла Норыа Ога да сябе — працаваць над паляпшэннем якасці гуку. Норыа Ога зрабіў у Sony неверагодную кар'еру і стаў яе прэзідэнтам. Менавіта ён запусціў потым у камерцыйную вытворчасць кампакт-дыскі.
Адзін з самых важных прынцыпаў: абапірацца можна толькі на тое, што супраціўляецца.