На ЧАЭС удалося правесці частковую ратацыю персаналу

Сёння атрымалася зрабіць частковую ратацыю персаналу Чарнобыльскай АЭС і эвакуяваць людзей, якія знаходзіліся на тэрыторыі станцыі, паведамляецца ў сацсетках дзяржпрадпрыемства.

На дадзены момант вывезена 64 чалавекі, з якіх 50 — гэта зменны персанал ЧАЭС, 9 служачых Нацгвардыі Украіны, сярод якіх 8 жанчын і 1 чалавек з анкалогіяй, 1 супрацоўніца ГСЧС і 4 «сталкеры», піша REFORM.by.

На змену эвакуяванаму персаналу ЧАЭС адправіліся 46 супрацоўнікаў-добраахвотнікаў.

Эвакуяваныя супрацоўнікі знаходзіліся на сваіх працоўных месцах каля 600 гадзін.