Украіна назвала захоп ЧАЭС ядзерным тэрарызмам і звярнулася ў МАГАТЭ

Украіна просіць Міжнароднае агенцтва па атамнай энергіі (МАГАТЭ) звярнуцца ў НАТА з патрабаваннем закрыць неба над ядзернымі аб'ектамі.

Украіна просіць таксама МАГАТЭ ў актывізаваць дзеянні па недапушчэнні актаў ядзернага тэрарызму, якім з'яўляецца захоп Чарнобыльскай АЭС і зоны адчужэння расійскімі войскамі. Пра гэта паведамляе РБК-Украіна са спасылкай на Telegram "Энергаатама".

Украіна таксама настойвае ў звароце на дзеяннях з боку МАГАТЭ для неадкладнага спынення агню і недапушчэння набліжэння акупацыйных войскаў на адлегласць бліжэй за 30 кіламетраў ад АЭС.

"Факт захопу вядомай ва ўсім свеце ЧАЭС мае ўсе прыкметы акта ядзернага тэрарызму, здзейсненага ў дачыненні да ядзерных аб'ектах ЧАЭС і яго персаналу вайсковымі фарміраваннямі Расіі", — гаворыцца ў дакуменце.

Таксама украінскі бок нагадвае, што персанал ЧАЭС ужо сёмыя суткі ўтрымліваецца расійскімі вайскоўцамі без ратацыі, адчувае псіхалагічны ціск і маральна знясілены.