Кіраўнік Еўракамісіі: «Расія падобная да ХАМАС»
Кіраўніца Еўракамісіі Урсула фон дэр Ляен, выступаючы з лекцыяй у Hudson Institute, заявіла, што ХАМАС і Расія вельмі падобныя.
Урсула фон дэр Ляен. Фота з сайта sud.ua
Уладзімір Пуцін хоча сцерці Украіну з твару зямлі. ХАМАС, які падтрымлівае Іран, хоча сцерці Ізраіль з твару зямлі. Расія і ХАМАС падобныя адзін на аднаго. Як сказаў прэзідэнт [Уладзімір] Зяленскі — «сутнасць адна і тая ж».
«Нашы дэмакратыі падвяргаюцца працяглай і сістэматычнай атацы з боку тых, хто ненавідзіць свабоду, таму што яна пагражае іх кіраванню. Вось ужо больш за 600 дзён нашы сябры ва Украіне змагаюцца і гінуць за сваю свабоду супраць расійскай агрэсіі. І цяпер Ізраіль перажыў найгоршы тэрарыстычны акт у сваёй гісторыі і самае страшнае масавае забойства габрэяў з часоў Халакосту. Гэтыя два крызісы, хоць і розныя, заклікаюць Еўропу і Амерыку заняць пазіцыю і выступіць разам. Уладзімір Пуцін хоча сцерці Украіну з карты. ХАМАС пры падтрымцы Ірана хоча сцерці Ізраіль з карты свету. Мы павінны абараняць дэмакратыі.
Глядзіце таксама
Бо калі мы гэтага не зробім, жах распаўсюдзіцца. Жах, сведкам якога я была ў мінулую пятніцу, калі была ў Ізраілі ў Кфар-Азе. За шэсць дзён да майго візіту гэта быў ажыўлены кібуц з 750 жыхарамі. Але 7 кастрычніка а 6-й раніцы прыехаў ХАМАС. Я бачыла згарэлыя дамы, дзіцячае крэсла ў крыві, абломкі, дзіркі ад куль, неразарваныя гранаты. Гэта быў горад-прывід. Крыві, якую хацелі праліць тэрарысты ХАМАС, не было мяжы. Хадзілі па хатах. Яны спальвалі людзей жывымі. Яны калечылі дзяцей і нават немаўлят.
Чаму? Таму што яны былі габрэямі. Таму што яны жылі ў дзяржаве Ізраіль. І відавочная мэта ХАМАС — вынішчыць габрэйскае жыццё ў Святой Зямлі. Гэтыя тэрарысты пры падтрымцы сваіх сяброў у Тэгеране ніколі не спыняцца. Такім чынам, Ізраіль мае права абараняць сябе ў адпаведнасці з гуманітарным правам. І перад абліччам гэтага жаху ёсць толькі адзін магчымы адказ такіх дэмакратычных краін, як мы: мы падтрымліваем Ізраіль».
Глядзіце таксама
Па словах фон дэр Ляен, Расія і ХАМАС маюць намер выбіраюць у ахвяры цывільныіх асоб, у тым ліку дзяцей, каб забіваць іх і браць у закладнікі.
«Гэта варварскі спосаб барацьбы, — падкрэсліла кіраўніца Еўракамісіі. — І калі гэтую заразу не спыніць, яна патэнцыйна можа распаўсюдзіцца з Еўропы праз Блізкі Усход і ў Інда-Ціхаакіянскі рэгіён».
«Любы поспех, якога яны даб'юцца, натхніць на яшчэ большы гвалт, накіраваны на звяржэнне існуючага парадку. Парадку, дзеля стварэння і падтрымання якога было прынесена ў ахвяру так шмат жыццяў на нашых кантынентах», — сказала фон дэр Ляен.
Пры гэтым кіраўніца Еўракамісіі падкрэсліла, што эскалацыю на Блізкім Усходзе яшчэ можна прадухіліць. «Дыялог паміж Ізраілем і яго суседзямі можа і павінен працягвацца», — лічыць яна.
Глядзіце таксама
Кажучы пра Украіну, фон дэр Ляен адзначыла: «Мы ніколі не зможам параўнацца з украінскім народам у яго самаахвяраванні і адвазе. Але мы можам цвёрда стаяць на яго баку. І гэта тое, што мы робім, і будзе працягвацца столькі часу, колькі спатрэбіцца».
«Еўропа і ЗША разам змагаюцца за свабоду і дэмакратыю. Гаворка ідзе пра бяспеку і магчымасці не толькі для тых, хто знаходзіцца ў зонах актыўных ваенных дзеянняў, але і для нашых уласных грамадстваў. Мы не забыліся, што ў Другой сусветнай вайне дэмакратыя перамагла фашызм і самадзяржаўе. Гэты трыумф заклаў аснову нашага мірнага парадку. І гэта не толькі мінулае, яно будзе вызначаць і нашу будучыню».
Еўрасаюз, сказала яна, паступае так не толькі таму, што гэта правільны ўчынак — «але таму, што яны змагаюцца за нашы каштоўнасці і за нашу стратэгічную бяспеку».
«Еўропа і Злучаныя Штаты змагаліся апошнія сем дзесяцігоддзяў за такі сучасны свет, у якім дэмакратыя і свабода, бяспека і магчымасці, адукацыя і дабрабыт становяцца ўніверсальнымі. Падзеі апошніх тыдняў на Блізкім Усходзе і апошніх гадоў ва Усходняй Еўропе сведчаць аб тым, што гэтая барацьба нікуды не знікла. На самай справе, цяпер яна як ніколі вострая. Тое, што тут пастаўлена на карту, пераўзыходзіць тое, што стаіць перад намі ў гэтыя цяжкія дні. Мы фарміруем гісторыю нашай будучыні. І я лічу, што Еўропа і Злучаныя Штаты абавязаны разам будаваць гэтую будучыню».
Глядзіце таксама
Як пісаў НЧ, сёння з падобным заклікам пра абарону дэмакратыі супраць варварства і дыктатуры звярнуўся да амерыканскага народа прэзідэнт ЗША Джо Байдэн.
Паводле ec.europa.eu, meduza.io