З конкурсу «Лістападзік» і з пракату знялі фільм, прадзюсара якога раней затрымлівалі
Фільм «Дзесяць жыццяў Мядзведзя» Андрэя Кудзіненкі знік з конкурсу дзіцячага і юнацкага кіно «Лістападзік» і з пракату, паведамляе тэлеграм-канал «Свяшчэнны Белавуд».
Паводле крыніц, фільм знялі з пракату пасля афіцыйнага
ліста з Міністэрства культуры. З чым звязана прычына адмены паказу, пакуль невядома.
Фільм «Дзесяць жыццяў Мядзведзя» распавядае выдуманую гісторыю прыгод савецкага алімпійскага чэмпіёна Аляксандра Мядзведзя і яго ўнучкі ў відэагульні.
Фільм быў зняты на студыі «Першая кінавідэакампанія» прадзюсара
Віктара Лабковіча, яе аўтарам стаў рэжысёр Андрэй Кудзіненка. Вытворчасць
фільма спансавалася з дапамогай афіцыйнага дзяржтэндара на бюджэтныя грошы (меншую
частку сродкаў прыцягнула «Першая кінавідэакампанія»).
Падчас здымак праекта Віктара Лабковіча арыштавалі і адправілі ў СІЗА, з якога ён выйшаў гэтым летам, адбыўшы год пакарання.