Беларускія праваабаронцы прызналі палітвязнямі яшчэ 10 чалавек

Беларускія праваабаронцы прызналі палітвязнямі яшчэ 10 чалавек. Цяпер у Беларусі налічваецца 1232 палітвязня па даных «Вясны» і 1481 па звестках ініцыятывы Dissidentby.

Прызнаныя сёння палітвязнямі, гэта — Вольга Галубовіч, Сяргей Гунь, Дзяніс Гурэцкі, Арсеній Дзядок, Дзяніс Краўчук, Дзмітрый Максімчык, Рыгор Міхалап, Аляксандр Мішук, Кірыл Пятрэнка і Аляксандр Талмачоў. Іх справы праваабаронцы лічаць палітычна матываванымі і патрабуюць вызвалення.

Усе згаданыя асобы праходзяць па справах аб «групавых дзеяннях, якія груба парушаюць грамадскі парадак».

Галубовіч і Краўчук — фігуранты крымінальнай справы аб «змове з мэтай захопу дзяржаўнай улады неканстытуцыйным шляхам» (справа Фядуты-Зянковіча-Кастусёва).