У Расіі пасадзілі аднаго з удзельнікаў мітынгу ў Кемераве

Суд у Кемерава арыштаваў на 5 сутак удзельніка нядаўняга стыхійнага мітынгу

Затрыманы з'яўляецца валанцёрам мясцовага штаба Аляксея Навальнага.
Машыну фатографа Аляксандра Балашова спыніла паліцыя, калі ён ехаў здымаць вяселле. Пра гэта выданню «Сибирь.Реалии» паведаміла каардынатар мясцовага штаба Навальнага Ксенія Пахомава. Балашоў быў дастаўлены ў суд. У паліцыянтаў пратаколах гаворыцца, што на мітынгу 27 сакавіка ён лаяўся матам і спрабаваў зламаць металічныя агароджы. Актывіст гэта адмаўляе. Паведамляецца, што на паказаным у судзе відэазапісе не відаць, што Балашоў датыкаецца да агароджы. Выкліканыя ў суд сведкі версію паліцыі не пацвердзілі.
Аднак актывіста прызналі вінаватым у непадпарадкаванні законным патрабаванням супрацоўніка паліцыі. На стыхійны мітынг у аўторак выйшлі некалькі тысяч чалавек. Каля будынка абласной адміністрацыі яны запатрабавалі расказаць праўду аб пажары ў гандлёвым цэнтры і адправіць у адстаўку мясцовых чыноўнікаў на чале з Аманам Тулеевым.
На Аман Тулееў, ні Уладзімір Пуцін, які ў той дзень прыбыў у Кемерава, да пратэстоўцаў не выйшлі. На сустрэчы з прэзідэнтам кіраўнік рэгіёну назваў іх «скандалістамі».
Паводле «Эхо Москвы»