Святлана Ціханоўская: Цяпер у беларусаў і ўкраінцаў агульны вораг і агульная мэта

Святлана Ціханоўская звярнулася да ўкраінцаў на мітынгу ў падтрымку Украіны. Яна заклікала не марнаваць час, высвятляючы адносіны ды не спісваць галоўныя рашэнні на realpolitik».

На мітынгу ў падтрымку Украіны, які адбыўся ў Вільні 25 ліпеня, Святлана Ціханоўская адзначыла:

—Калі я кажу, што цяпер у беларусаў і ўкраінцаў агульны вораг і агульная мэта, я кажу гэта не толькі як палітык. Я кажу гэта як маці. Таму што абодва дыктатары знішчаюць нашых дзяцей, нашыя дамы і нашую будучыню. Без вольнай Украіны не будзе вольнай Беларусі. Але і без вольнай Беларусі не можа быць бяспечнай Украіны і ўсяго рэгіёну.

Цяпер, як ніколі раней, беларусам і ўкраінцам трэба яднацца. Трэба дапамагаць адно аднаму. Не марнаваць час, вырашаючы адносіны. Не спісваць галоўныя рашэнні на realpolitik. Не рабіць высновы толькі па словах палітычных лідараў – бо гэта не дапамагае нашым дзецям хутчэй убачыць бацькоў.