Ніна Шыдлоўская з'ехала з Беларусі
Пра гэта яна паведаміла ў Фэйсбуку.
Ніна Шыдлоўская
Грамадская дзяячка, каардынатар «Будзьма беларусамі!» і старшыня Рады у Згуртаванне беларусаў свету «Бацькаўшчына» Ніна Шыдлоўская з'ехала з Беларусі. Пра гэта яна напісала ў Фэйсбуку.
«Не думала, што давядзецца так зрабіць... Але давялося... Беларусь мая родная, чакай мяне! Я вярнуся», напісала Ніна Шыдлоўская.
На мінулым тыдні адбыўся ператрус у шматлікіх грамадскіх арганізацый, у тым ліку і ў «Бацькаўшчыне». Шэраг праваабаронцаў, актывістаў, журналістаў былі затрыманыя.