Facebook і Instagram аднавілі працу пасля шасцігадзіннага збою

Карыстальнікі паведамляюць, што сацыяльныя сеткі Facebook і Instagram аднаўляюць сваю працу пасля збою, у іх назіраецца рост трафіку.

Паводле звестак сэрвісу сеткавага агляду Kentik, пасля абвалу а 15:39 (18:39 паводле мінскага часу), праз 5,5 гадзіны сацсеткі зноў зарабілі. У Беларусі ў гэты час ужо была ноч.

Карыстальнікі таксама паведамляюць, што атрымалі магчымасць доступу ў Facebook і Instagram, нягледзячы на тое, што некаторыя праблемы яшчэ назіраліся.

Раней тысячы карыстальнікаў па ўсім свеце паскардзіліся на перабоі ў працы месенджара WhatsApp, а таксама сацыяльных сетак Facebook і Instagram. Услед за гэтым маштабным збоем карыстальнікі паведамілі аб праблемах у працы Twitter, Google і Amazon, адзначаюць РІА «Новости».

Збой у працы сацыяльнай сеткі Facebook стаў самым сур'ёзным і працяглым з 2008 года. Кіраўнік тэхслужбы сацсеткі Майк Шрепфер лічыць, што калапс адбыўся з-за праблем з сеткай.