Уначы РФ атакавала Кіеў. Сярод ахвяр – пяцігадовая дзяўчынка

У Кіеве загінулі тры чалавекі ў выніку расійскай атакі ўдарнымі БПЛА. Сярод іх 35-гадовы мужчына Аляксандр і яго пяцігадовая дачка Ніколь. Маці дзяўчынкі знаходзіцца ў бальніцы. Яшчэ 10 чалавек атрымалі раненні. Ідзе 1124-ты дзень шырокамаштабнай вайны Расійскай Федэрацыі супраць Украіны пра саўдзеле ў агрэсіі рэжыму Лукашэнкі.

Гэтай ноччу РФ ужыла большую колькасць менавіта ўдарных БПЛА (па меншай меры 122 адзінкі) і 25 дронаў-імітатараў. 

У выніку расійскай атакі пацярпелі Кіеўшчына, Харкаўшчына, Сумшчына, Чарнігаўшчына, Адэсшчына і Данеччына.

Сілы СПА збілі 97 варожых БПЛА, яшчэ 25 беспілотнікаў лакацыйна страчаныя.

«На працягу гэтай ночы Расея атакавала Украіну, выкарыстаўшы амаль 150 ударных дронаў. Па стане на зараз вядома пра дзесяць пацярпелых, ёсць дзіця сярод іх. У Кіеве жыццё трох чалавек забрала гэтая атака, сярод іх — бацька і яго пяцігадовая дачка. Учора ў Запарожжы загінулі тры чалавекі. Сям'я: тата, мама і 17-гадовая дачка, мае спачуванні родным і блізкім загінулых. Такія атакі —штодзённыя. За гэты тыдзень больш за 1580 кіраваных авіяцыйных бомбаў, амаль 1100 ударных дронаў і 15 ракет розных тыпаў было ўжыта супраць нашых людзей. Ва ўсёй гэтай зброі маецца па меншай меры 102 тысячы замежных кампанентаў. Таму санкцыі супраць расейскіх тэрарыстаў павінны працаваць больш эфектыўна. Кожная схема, якая дазваляе ім абыходзіць санкцыйны рэжым, павінна быць ліквідаваная.  Патрэбныя новыя пастановы, новы ціск на Маскву, каб такія ўдары і гэтая вайна спыніліся», — заявіў прэзідэнт Украіны Уладзімір Зяленскі.

*****

Bloomberg: У Белым доме спадзяюцца дасягнуць поўнага перамір'я да 20 красавіка

Белы дом імкнецца заключыць пагадненне аб перамір'і да 20 красавіка, на якое сёлета прыпадае Вялікдзень, але прызнае, што гэты графік можа быць парушаны, улічваючы вялікія разыходжанні паміж пазіцыямі двух бакоў, піша Bloomberg са спасылкай на дасведчаныя крыніцы. 

Трамп паабяцаў забяспечыць хуткае ўрэгуляванне трохгадовай вайны яшчэ да таго, як уступіў на пасаду, але прагрэс быў абмежаваны. У найбліжэйшыя дні амерыканскія чыноўнікі сустрэнуцца асобна з расійскімі і ўкраінскімі прадстаўнікамі ў Саудаўскай Аравіі для правядзення першых такіх паралельных перамоваў.

*****

УСУ вызвалілі населены пункт Надзея на Луганшчыне: гэта каштавала Расеі двух месяцаў намаганняў і двух механізаваных палкоў — 752-га і 254-га 20-й арміі РФ.

*****

21 сакавіка ўкраінская авіяцыя знішчыла сховішча і асабісты склад расійскіх войскаў у Тарэцку, паведамілі ў Генштабе.

«Месца размяшчэння сіл праціўніка было цалкам разбурана. У выніку паразы знішчаны асабісты склад праціўніка, у прыватнасці дэсантна-штурмавыя групы і аператараў БПЛА», — гаворыцца ў паведамленні.

*****

Агульныя баявыя страты РФ з 24.02.22 па 23.03.25 арыенціровачна склалі: 

асабовага складу — 903480 (+1470)

танкаў — 10412 (+9) 

браніраваных машын — 21636 (+27)

артсістэм — 25048 (+104)

РСЗА —1333 (+6)

сродкі СПА — 1116 (+5)

самалётаў – 370

верталётаў – 331

БПЛА — 30495 (+157)

крылатыя ракеты — 3121

караблі/катэры — 28

падводныя лодкі — 1

аўтатэхнікі і аўтацыстэрнаў – 41610 (+185) 

спецтэхніка — 3784 (+2)